Leonor sospira canciones
Fai selmanes que Leonor taraza una canción cola so personalísima voz nun anunciu d'unos grandes almacenes (sí, los de siempre, los que gasten una millonada en publicidá pa que dexemos ellí toles perres en regalos). La primer vegada que la escuché, quedé ablucada. Ye una tontería pero toi tan avezada a oyela nel mio coche que nun me pegaba na tele. Marlango ye un grupu d'esos que merez la pena escuchar en directo y paladeálu sele. Naveguen n'agues turbies por aquello de que onde hai ésitu hai negociu y si hai negociu lo fácil ye acabar fabricando discos en vez de creándolos. De momentu, ye totalmente recomendable dexase arrastrar pola voz de Leonor, que sabe ser ronroneu y truenu, xiblíu y fola. Qu'igual brama canciones que te les sospira. Una voz que ná tien que ver coles Barbies prefabricaes a lo Britney Spears que venden estereotipos que munches persones nun queremos comprar.
Esbilla
del.icio.us
N'El Corte Inglés busqué'l preciu de los discos d'Andy y Lucas y de Marlango. El preciu de la mayoría de los d'Andy y Lucas superaben a los de Marlango (podéis comprobalo per internet), ya incluso llegaben a valir el doble los de los gaditanos que los del trío. En fin, la música de Marlango tien una factura (ensin contar cola puesta n'escena, que nun tien comparación) bonísima. Lletra y música dicen daqué. Lo d'Andy y Lucas a min personalmente dame vergüenza ayena.
Dicho too esto, cómo ye que val más un discu d'Andy y Lucas que de Marlango?? Quién nos ta engañando??
Nun hay complo xudeo-masonicu solo quier dicir que los aficinaos a los "canis" gaditanos tan dimpuestos a pagar un preciu X polos discos y que la discografica sabelo ,,,
En cualquier casu deberies tar contentu que Marlengo seya mas barato , meyor pa ti o non ?
Home, ayalgueru, yo dígolo porque sigo pensando que ye meyor calidá un discu de Marlango que d'Andy y Lucas. Y si ún de Marlango val menos... Claro que ye porque los gaditanos tan dispuestos a pagar esi preciu, faltaría más, pero esi ye'l mesmu argumentu de qu'un pisu en Xixón de 60 m2 valga 45 millones de pesetes, mientres haya xente dispuesto a pagalo... otra cosa ye que lo valga de fechu. Saludos