Porque la sensibilidá nun ye patrimoniu de les muyeres.

Aitana tien siete meses menos que yo y una llunar, cielito lindo, xunto a la boca. Siempre tan arremangada pa trabayar. Lleva siempre una libretuca, una pregunta y ganes de facer coses en bolsu. Sacó la carrera de periodismu con notes de escándalu a base de pagalo trabayando durante'l cursu y pel branu. Lleva siete años trabayando nel periódicu que se promociona como más vendíu d'Asturies y esta selmana quedó en paru.

Nuna sociedá na que'l talentu se recatia, ¿cómo nun va a haber crisis?

Y cuando Susan entama a cantar, apaez nidia, desnuda y pura, la belleza.

Yes esa voz que reclamaba l'identidá propia  de les muyeres nuna España con golor a naftalina. Yes el desafíu al cuentu de les princeses sumises esperando'l besu un príncipe. Yes la banda sonora d'esti martes nel que marchaste sele ensin facer ruíu.

Yo soi mía. Yo decido. Yo tengo'l derechu a la mio individualidá. Yo soy dueña del mio cuerpu. Nun me voi cansar de dicilo...

Dempués de dellos meses d'ausencia na que siempre tinía na mente volver a abellugame nesti requexu de la rede, güei decidí araña-y un rispiu tiempu a toles coses que tengo entamaes y asomame a esti espeyu.

Esta mañana, taba con esa mala costume mía de lleer la prensa (nun lo recomiéndo, ye perxudicial pal estómadu) y atopome con una artículu nel diariu "El País" onde falaba del tratamientu de la homosexualidá en Marruecos (ta adxuntu).

Lorca y Dalí sopieron lo que yera vivir nun país onde nun se yera homosexual sinon maricón o bollera, un país nel que nes escueles xugar con una muñeca siendo neñu ye entovía ser ún d'esos maricones, que paez ser lo peor que pué pasa-y a una persona.

Toi d'alcuerdu con José Saramago cuando diz que'l eslabón perdíu ye'l ser humanu actual porque nun creye que semaos el culme d'un ser evolucionáu, tien que haber más. Una sociedá na que la xente ye señalada col deu por desarrollar llibremente la so sexualidá nun pué ser el fin evolutivu. Paez metira que a estes altures entá nun tengamos el derechu a ser felices...¡colo guapo que ye querese!

http://www.elpais.com/articulo/sociedad/Marruecos/anuncia/fin/toda/tolerancia/homosexualidad/

elpepusoc/20090324elpepisoc_8/Tes

Dende equí quiero solidarizame con tolos homes íntegros que tenéis que compartir códigu de cromosomas con esta mala copia de lo que ye un paisano. Ca vegada que rebuzna ataca dalgún de los derechos fundamentales de les persones, ta claro que la inorancia ye peratrevida. Pásanos por dir de continente avanzáu. Muncho facer hincapié nesta vieya Europa colos riesgos de los planteamientos d'otres cultures, pero tamién tenemos al diañu metíu en casa.Y lluéu dicen que tamos nel primer mundu, ¡manca la maera!

Esta boluda ye la jefa.