Esta boluda ye la jefa.

Hola, soi Telva: hembra, asturiana y perruna. Vivo con Ricardo y Eli, que me falen n'asturianu, poro, yo namás lladro n'ast. Na mio casa tamos pola defensa de la riqueza llíngüística:la llingua oficial ye l'asturianu y tenemos midíes pa protexer el castellán. Unvíovos un lladríu col acentu Les Cuenques, Telva.

 Gracies a esta muyer güei pude dexar el mio votu nes urnes. Nun se si val pa muncho, pero al menos, ser muyer, gracies a Clara Campoamor nun ye un obstáculu pa poder decidir. A ver si la Tercer República da pa tanto como la segunda(espero non morrer sin velo).Naide debería quedase en casa, hai que dir votar, a un partíu o en blancu, pero votar. Yá nos zarraron la boca cuarenta años, agora tócanos falar.

 Esta foto ye d'ayeri, fecha nesa parte del mundu que se considera nun grau avanzáu de civilización. Los concursos de misses foron siempre un exemplu de la oxetualización pola qu'a les muyeres se nos valoraba namás que como un elementu sensual pal home. Pa meyorar la situación ocurrióse-yos facer concursos masculinos. Eso nun ye igualdá o, a lo peor, ye igualar perbaxo, igualar pelo malo, y los homes y muyeres del sieglu XXI queremos igualanos polo bono, penriba

En Senegal por esto puen caete cinco años de cárcel, como espubliza güei El País, y el repudiu de la sociedá...

.... mentanto l'ablación ye prautica socialmente aceutada.

 Propongo un xuegu. Toca aldovinar quien ye la muyer de la foto. Foi una persona que participó nuno de los mayores descubrimientos del sieglu XX y cuya llabor nun se reconoció enxamás. ¿Quién ye?¿Qué fizo?

N'otres ocasiones, siéntome llibertaria y apetezme enllenar el fusil de pallabres que se disparen enllenando l'aire cola mio voz, con otres voces, y alloñando toles mentires coles que lu contaminen nesta llucha pol poder.

A vegaes siéntome un poco Amélie, anque namás seya pa fuxir d'esta campaña elleutoral...

ÁBREGU
El tiempu que teo de sete infiel
ensin estrañate en ca furmosu cuerpu,
tien dolor a iviernu ente la piedra,
a húmidos requexos nel to vientre
(esi primer besu que nunca fora nuesu,
la mano que l´otru aldovinaba
enantes del esnudu´n fiesta pela alfombra).
Pero ya basta:
quiero agora, en tan sollerte ausencia,
vender la cinta rosa de la neña rosa,
el vellu sangre d´entepierna
y como un Mediterraneu perfondu, bien adientro
abrazate inevitable.